Salam sono ti pangumbaraan.

Muhun Néng, serat téh tos katampi kalayan kumplit sareng jiripitna. Dibujeng enggalna waé ah. Kamari téh tos asa pegat harepan da salira telat masihan kabar. Manawi téh tos hilap, ari teun sabot akang ngalamunan nasib– gening aya serat lawon beureum kabodas-bodasan, sigana rada caket ka ping warnana téh. Euleuh mani romantis.🙂

Teu kendat ngaduakeun ari akang mah, teu peryogi disuhunkeun sagala. Nya sok ujianna sing lancar– kénging nilai nu saé. Pokona all the best for u lah Néng. éh, muhun beut kajongjonan. Mamah katut bapa sakulawargi daramang? Mudah-mudahan ginanjar kawilujengan. Sing aya di pangwuwuh ridho Nu Kawasa.

Hapunten akang salami ieu telat ngawartosan. Akang téh tos semester genep ayeuna mah. Tuh pan, urang enggal jatukrami, heuheu. Mudah-mudahan aya jodona nya Néng? Urang ngadu’a. boh akang nya kitu deui Enéng sing sering maseuhan ilat kurupa du’a sangkan urang geusan ngajodo. Aamiin.

Pidu’ana! Akang ayeuna mayunan ujian. Mudah-mudahan énggal bérés, da kieu gening ari tacan bérés mah– maksa hoyong gera ogé teu kawasa. Pantesna nikah mah teu patali sareng kuliah nya? Tapi keun wéh sugan jadi panyumangét ngarah akang énggal mulang.

Sakitu heula nya Neng. Keun, pondok nyogok, atuh mun panjang oge kapan tujuanna mah nyangcang. Hehe

Salam geugeut

Diantos waleranana.

#Ambon sorangan– keur gelo meureun nya. Haha